Ataatsimeersuarneq

Kalaallit Atuakkiortut kattuffiat 11-12 september, Nuummi ataatsimeersuassaaq.

Kalaallit Atuakkiortut Kattuffiat (KA) 11-12 september Nuummi ataatsimeersuassaaq. Malittarisassat najoqqutaralugit KA ukiut pingasukkaarlugit ataatsimeersuartarpoq, coronali peqqutigalugu siorna ataatsimeersuarnissaangaluaq ukioq mannamut nuunneqarluni.

Ataatsimeersuarneq ulluni marlunni ingerlanneqartussaq pikkorissaanertaqarlunilu isumasioqatigiinnertaqassaaq. Pikkorissaanerup qulequtarissavaa "atuakkiorniartup abc-a" . Tassani sammineqassapput atuakkioqqaarniartup suut eqqumaffigisariaqarnerai.

Isumasioqatigiinnerni oqallisigineqartussaapput atuagaateqarfimmiittuutisiaqarneq,Nunatta atuakkialerinernut allaffia - GreenLit, atuagassiaq Kalaaleq, aamma KA-p KNR-illu suleqatigiinnissamik isumaqatigiissutaata 2000-imeersup nutaamik isumaqatiginniutigineqarnerani angusarineqartut, kiisalu ukiuni tullerni pingasuni KA suliniutissaanni pingaarnersiuinissaq. Ilanngullugu sammineqartussaavoq kalaallisut atuarusussutsip siuarsarneqarnissaata aqqutissiuunneqarnissaa, tassami 2020 atuartartunik HS Analyse peqatigalugu misissuisitsisoqarmat paasinarsimmat kalaallisut atuarusussuseq appariartortoq.

Siunertaavortaaq KA aamma KNR suleqatigiissutissamik isumaqatigiissutip, upernaap aasallu ingerlanerani naammassineqarluni isumaqatigiissutigineqartup, ataatsimeersuarnerup nalaani atsioqatigiissutigineqarnissaa.

Ataatsimeersuarnermi siulittaasussamik siulersuisussanillu qinersisoqassaaq. Maannakkumut siulittaasussatut ataasiinnarmik sassartoqarpoq, tassalu Juaaka Lyberth, KA-mi 2015-miilli siulittaasusoq.

• "KA-mi suliavut pissanganartut suli naammassinngilavut, soorlu atuarusussutsip siuarsarnissaa, kalaallisut atuakkiat nunatsinni nunanilu allani nittarsaannerunissaat, minnerunngitsumillu Nunatsinni Atuakkialerinermut Allaffiup -GreenLit-ip pingaarteqisamalu - piorsarneqartuarnissaa. Kiisalu digitaliseriineq ilutigalugu internetsikkut atuakkanik atuisarnerup annertusiartuinnarnerani piginneqaartutut akissarsiaqartitsisarnissap isumaqatigiinniutigineqarnissaat suliassanuta angisuunut ilaasussavoq. Taamaattumik KA-p ilaasortaasa tapersersussappannga siulersuisutut ukiuni tullerni pingasuni ingerlaqqinnissannut piareersimavunga", Juaaka Lyberth qiningassanngorteqqinnerminut tunngavilersuivoq.

Grønlands Forfatterforening holder generalforsamling i dagene 11 - 12 september i Nuuk

Grønland Forfatterforening (KA) holder generalforsamling i dagene 11-12 september i Nuuk. I henhold til vedtægterne skal KA holde generalforsamling hvert 3. år, som skulle havde fundet sted sidste år. Men på grund af corona situationen er generalforsamlingen udsat til 2021.

Foruden selve generalforsamlingen, vil der være kursus med overskriften "forfatterens abc", mens

Seminar og drøftelser vil handle om KA- igangværende aktiviteter, f.eks. om bibilioteks afgiften, opbygning af Grønlands Litteratur Kontor - GreenLit, samt forhandlinger om fornyelsen af samarbejdsaftale med KNR fra 2000, hvortil der også er opnået tillægsaftaler om at fremme den grønlandske bog og læselyst på grønlandsk. Sidste gennemførte KA i samarbejde med HS Analyse en læserundersøgelse, hvoraf det fremgår, at læselysten af grønlandske bøger er dalende. Og det bliver et af de punkter generalforsamlings deltagerne skal debatere under punktet KA kommende prioriteringer og opgaver de næste tre år.

Det er også planen, at KA og KNR underskriver den fornyede samarbejds aftale, som blev aftalt på plads i løbet af foråret og sommeren.

Under generalforsamlingen skal der vælges ny formand og bestyrelse. Indtil videre har kun en meldt sin kandidatur og det er Juaaka Lyberth, som har været formand for KA siden 2015.

• "De opgaver vi er igang med i KA's bestyrelse er langt fra færdig afsluttet. Der er f.eks. kommende arbejde med at fremme den grønlandske læselyst, synliggørelse af den grønlandske bog både herhjemme og i udlandet, samt opbygningen af Grønlands Litteratur Kontor - GreenLit, som er mit "hjertebarn". Desuden er der større opgave i vente som led i mere og mere brug af litteraturen i den digitale verden, hvor ophavsret betalinger skal forhandles på plads. Derfor er jeg parat til at tage tre år mere i formandsposten, såfremt jeg får medlemmernes opbakning til det, siger Juaaka Lyberth som begrundelse for sin genopstilling som KA-formand.

Kalaallit Atuakkiortut - Grønlands Forfatterforening

Mobil tlf. 54 29 81

e-mail: kalatu@gnet.gl